सिड्नी ।
गत महिना मात्रै सिड्नीमा ‘विनर नाईट’ गरेको फेसबुक मिडिया ग्रुप विनर सर्कलले अब मेल्बर्नमा समेत कार्यक्रममा आयोजना गर्ने भएको छ ।
सिड्नीमा सकृय यो समुहले मेल्बर्नमा ‘विनर नाईट २’कार्यक्रम गर्न लागेको हो । सर्कलले पछिल्लो समय अष्ट्रेलिया बसोबास गर्ने नेपाली स्थानीय कलाकारहरुलाई प्रबर्द्दन गर्दै आएको छ ।
यसै क्रममा सिड्नी र मेल्वर्नका स्थानीय कलाकारलाई लिएर कार्यक्रम आयोजना गरिएको सर्कलका प्रमुख रोशन खतिवडाले नेपाली टिभीलाई बताए ।
यो समुह बिध्यार्थी तथा युबाहरुको समस्यामा साझेदार गर्दै स्थानीय प्रतिभालाई उजागर गर्दै आएको छ । यस समुहमा ३ हजार भन्दा बढी फेसबुक सदस्यहरु रहेका छन् ।
