२२ अगष्ट सिड्नी ।
नेपालको सुदुरपश्चिम क्षेत्रबाट अष्ट्रेलियामा बसोबास गर्दै आएका सुदुर पश्चिमेलीहरुको समुहले हालै सुदुर पश्चिम समाज अष्ट्रेलिया आधिकारीक रुपमा दर्ता गरेका छन् । समाज दर्ता गरे संगै समाजले पहिलो आधिकारिक कार्यक्रमका रुपमा गौरा पर्ब समेत मनाउने भएको छ । 
समाजले यहि ३१ अगस्टका दिन सिड्नीको अलवा पार्कमा पर्ब मनाउन लागेको हो । बिशेस गरी सुदुर पश्चिमको कला संस्कृति र भेषभुषालाई प्रबर्द्दन गर्ने उद्देश्यले सो कार्यक्रम आयोजना गरिएको समाजको तदर्थ समितिका संयोजक मोहन भट्टले बताए । गौरा पर्बमा सुदुर पश्चिमको चर्चित दौडा नृत्य,साकाहारी भोजन र कला-संस्कृतीलाई प्रस्तुत गरिने भएको छ ।
