‘सिधा कुरा जनता संग’:बिध्यार्थी र अभिभाबकलाई नि:शुल्क प्रबेश

२३ मे सिड्नी ।

नेपालको न्युज २४ टेलिभिजनबाट प्रसारण हुँदै आएको चर्चित कार्यक्रम “सिधा कुरा जनता सँग” को अष्ट्रेलिया संस्करण शुक्रबार सिड्नीको मरना अडिटरियम हर्षभिलमा हुने भएको छ । कार्यक्रमका लागि प्रस्तोता एवं प्रत्रकार रवि लामिछाने सहितको समुह बिहिबार बिहान सिड्नी आईपुगेका छन् ।समग्र रुपमा अष्ट्रेलियाको नेपाली समुदायका बिचको समस्यालाई उजागर गरी अन्यायमा परेकालाई न्याय दिन समेत यो कार्यक्रम केन्द्रित रहने बुझिएको छ । सो कार्यक्रममा बिध्यार्थीको समस्यालाई उच्च प्राथमिकतामा राख्दै कार्यक्रममा प्रबेशका लागि नि:शुल्क ब्यबस्था गरिएको आयोजकले बताएको छ । यस्तै अभिभाबकहरुका लागि नि:शुल्क प्रबेशको ब्यबस्था गरिएको छ । यद्दपी अन्य दर्शकहरुले भने प्रबेशका लागि २५ डलरको टिकट लिनु पर्नेहुन्छ । कार्यक्रम ब्यबस्थापक दिपेश पुनले टेलिभिजन कार्यक्रमको छाँयाकन नभएर बिशेष कार्यक्रम हुने प्रतिकृया दिएका छन् ।

स्थानीय लाहुरी टेलिभिजनको आयोजना र नेपाली टचको ब्यबस्थापनमा हुन लागेको कार्यक्रममा सहभागी हुन आयोजकले आवह्वान गरको छ । अष्ट्रेलियामा दिन प्रति दिन नेपाली बिध्यार्थीहरु बढीरहेको र समस्याहरु पनि बढ्दै गर्दा यस किसिमको कार्यक्रमले बिध्यार्थी तथा पिडितहरुलाई राहत मिल्ने देखिन्छ ।

नेपाली टिभीको न्युज पढ्नका लागि एपबाट खोल्नुहोस् ।
एन्ड्रोइड डाउनलोडका लागि र आईफोन डाउनलोडका लागि यहाँ क्लिक गर्नुहोस् ।