३० अप्रिल सिड्नी ।
अभिनेत्री श्वेता खड्का दिल्लीको बीएलके सुपर स्पेसियालिटी अस्पतालमा उपचारार्थ छिन् । गर्दनमा ट्युमर देखीएपछी भारतमा शल्यक्रिया गराएकी हुन् ।शल्यक्रिया गरेर सोमबार उनको ट्युमर निकालिएको हो ।शल्यक्रिया सफल भएपछि उनले आफूले दोस्रो जीवन पाएको बताएकी छिन् । अभिनेत्री श्वेता खड्काले आफ्नो आधिकारिक फेसबुक बाट जानकारी दिँदै आफूमाथि जीवनले दोस्रो पटक खेल खेलेको बताएकी छिन् ।
केहि समय अघि श्वेता फिल्म ‘हेलो जिन्दगी’को सुटिङको लागी लन्डन पुगेकी थिइन् । फिल्म ‘हेलो जिन्दगी’ को सुटिङका लागि लण्डन पुगेकी उनलाई स्वास्थ्यमा खराबी देखिएपछि अचानक दिल्ली पुर्याइएको थियो । लण्डन उड्नु अघि घाँटी र चिउँडो वरिपरि दुखेर अस्पताल जाँदा ‘ट्युमर भएको र त्यसलाई केही समयपछि निकाले हुन्छ, अहिलेका लागि खासै ठूलो समस्या होइन’ भनेपछि उनी लण्डन गएकी थिईन् । तर अचानक स्वास्थ्यमा खराबी देखिएपछि तत्कालै शल्यक्रिया गर्नुपर्ने डाक्टरको सल्लाहमा आफू दिल्ली पुगेको उनले फेसबुक गराएकी हुन् ।
उपचाररत खड्का अष्ट्रेलियाको सिड्नीमा यहि मे महिनामा हुने गाला डिनरमा सहभागी हुन सिड्नी आउने भएकी छिन् । उनले नेपाली टिभि संग संक्षिप्त कुरा गर्दै सो गाला डिनरमा सहभागी भए बापत पाउने पारिश्रमिक ‘माझीबस्ती’का लागि हस्ताण्तरण गरिने हुदा डिनरमा सहभागी हुने बताएकी छिन् ।
उनको स्वास्थ्य अबस्था बारे बुझ्दा अहिले ठिक भएको र २ हप्ता आराम गर्नु पर्ने श्वेताले बताएकी छिन् । मे २६ मा एनआरएनए एससिसिले आयोजना गर्ने गाला डिनरमा सहभागी हुनका लागि श्वेता मे २६ मा सिड्नी आउने भएकी हुन् । उक्त डिनरमा नेपालमा लोडसेडिङको अन्त्यमा मुख्य भुमिका निर्बाह गर्दै नेपाली जनताको मन जित्न सफल कुलमान घिसिङ समेत सहभागी हुने भएका छन् ।