२३ अप्रिल सिड्नी ।
नेपालमा मकवानपुरको हेटौंडा १७ चुच्चेखोला घर भएका ३१ वर्षीय दीपक श्रेष्ठ अस्ट्रेलियामा निधन भएको छ । उनको शनिबार बिहान निधन भएको पारिवारिक स्रोतले जनाएको छ।पानी पिउन उठेका बेला श्रेष्ठ एक्कासी बेहोस भएका थिए ।श्रेष्ठलाई उपचारका लागि कोग्रा स्थित सेन्ट जोर्ज अस्पतालमा लगिएको र उपचारको क्रममा बिहान ६ बजे निधन भएको हो ।
उनलाई हृदयघात भएको अस्पतालले जनाएको छ । सन् २०१८ मा पत्नी दुर्गा अधिकारीको डिपेन्डेन्ट भिषामा अष्टे«लिया गएका श्रेष्ठ परिवार कोग्रा बस्दै आएको थियो ।
यसै बीच श्रेष्ठलाई अन्तिम संस्कारका लागि शव नेपाल ल्याउने प्रक्रिया सुरु भएको छ । शव नेपाल लैजानका लागि आवश्यक सहयोग जुटाउन पोखरा समाजका अध्यक्ष राजु अधिकारीले अपिल गरेका छन् । सहयोगदातालाई श्रेष्ठकी पत्नी दुर्गा अधिकारीको बैंक खातामा रकम संकलन गर्न अपिल गरिएको छ ।
