२१ असार,काठमाण्डौ ।
कोरोना भाइरस (कोभिड१९) को संक्रमणले विदेशमा ज्यान गुमानेको नेपालीको संख्या यो साता बढेको छ । यो साता मात्रै बिभिन्न देशहरुमा १३ जना नेपालीहरुको मृत्यु भएको गैरआवासीय नेपाली संघ (एनआरएनए)ले जनाएको छ ।मृत्यु हुनेहरुको पछिल्लो तथ्यांकमा युएई ६ जना, भारत ५ जना, ओमान १ जना, र कुवेत १ जना नेपालीको मृत्यु भएको हो ।एनआरएनएको स्वास्थ्य समितिका 
अनुसार शनिबार साँझसम्म विदेशमा मात्र १४ देशमा संख्या १ सय ४३ जना नेपालीको कोरोना संक्रमणले ज्यान गएको हो ।हालसम्म बेलायत, युएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड र स्वीडेन, ओमानलगायत देशमा रहेका नेपालीहरुको कोरोना भाइरस संक्रमणका कारण ज्यान गएको छ ।
एनआरएनए स्वास्थ्य समितिका संयोजक डा. सञ्जीव सापकोटाका अनुसार यो साता विदेशमा मध्यपूर्वका देशबाहेक अन्य मुलुकमा कोरोना संक्रमणको बढ्ने दर न्युन हुदै गइरहेको तथ्यांकले देखाउँछ ।समितिका अनुसार शनिवार साँझसम्म विदेशमा २८ हजार ९ सय १८ जनामा कोरोना संक्रमण देखिएको छ भने २५ हजार २ सय २६ जना गैरआवासीय नेपाली कोरोना मुक्त भएका छन् ।
