काठमाडौं ।
पछिल्ला समय डायस्पोरामा सिकेका बिभिन्न सिप तथा दक्षतालाई नेपालमा लगानी गर्न थालिएको छ । अमेरिका अष्ट्रेलियामा डिग्री अध्ययन गरेर स्वेदस फर्केकाहरुले समेत नेपालमा कृषि लगायतका पेसालाई रोज्न थालेका छन् ।
अष्ट्रेलियाको सिड्नी बस्दै आएका गणेश केसीले केहि समय अघि देखी राजधानीमा नै प्यासिफिक हस्पिटालिटी एण्ड कुलिनरी एकेडेमी संचालन गर्दै आएका छन् । जस्ले सिप नभएका युबाहरुलाई कुक तथा सेफको तालिम दिएर पुर्ण रुपमा सिपयुक्त सेफ बनाउदै आईरहेको छ ।
औपचारिक रुपमा शनिबार गैरआवासीय नेपाली संघ (एनआरएनए) अध्यक्ष भबन भट्टले प्यासिफिक हस्पिटालिटी एण्ड कुलिनरी एकेडेमी तथा कृषि मेलाको उद्घाटन गरेका छन् । एनआरएनए अस्ट्रेलियाका पूर्व अध्यक्ष गणेश केसीले सुरु गरेको प्यासिफिक हस्पिटालिटी एण्ड कुलिनरी एकेडेमी तथा जैविक (अर्गानिक) खेती र कृषकलाई प्रोत्साहन गर्ने कृषि मेलाको भट्टले समुदघाटन तथा अवलोकन गरेका थिए ।
मेलाको उद्घाटन गर्दै अध्यक्ष भट्टले निकै राम्रो कामको शुरुवात भएको भन्दै केसीलगायतको सम्पूर्ण टिमलाई बधाई तथा शुभकामना दिए । भट्टले जैविक खानाले मानवीय स्वास्थ्यलाई धेरै फाईदा पुर्याउने बताउँदै नेपाल कृषि प्रधान देश भए पनि कृषिलाई अहिलेसम्म त्यति महत्व नदिएकोमा दुखेसो पोखे । उनले एनआरएनले कृषिको क्षेत्रलाई महत्व दिदै कृषि प्रवर्द्दन समिति नै बनाएर अगाडि बढेको जानकारी गराए ।
एनआरएन कृषि प्रबर्द्दन समितिका संयोजक युवराज गुरुङ्गले देश बवकाशको लागि कृषिको बिकल्प नभएको बताउँदै कृषिको क्षेत्रमा केहि गर्नकै लागी आफुहरु खटिईरहेको बताए । गुरुङले प्यासिफिक हस्पिटालिटीले जैविक खेति र कृषकलाई प्राथमिकता दिदै सञ्चालन गरेको जैविक कृषि मेलाको सफलताको कामना गरे ।
कार्यक्रममा प्यासिफिक हस्पिटालिटीका संचालक एबं एनआरएन अस्ट्रेलियाका पूर्व अध्यक्ष गणेश केसीले कृषकको हकहित र आफ्ना कलेजका बिधार्थीहरुलाई पनि जैविक खानाका बारेमा जानकारी होस् भन्ने उद्देश्ले जैविक कृषि मेलाको आयोजना गरिएको बताए ।
