२० साउन,काठमाण्डौ ।
कोरोनाका कारण रोकिएको रियालिटि शो नेपाल आइडल–३ को प्रसारण पुनःप्रसारणमा आउने भएको छ । चार महिना लामो लकडाउन खुलेसँगै रोकिएका कार्यक्रम सञ्चालनमा आउन लागेको हो ।नेपाल आइडल–३ बिहीबारबाट पुन सञ्चालन हुने भएको छ । सरकारले कोरोना सङ्क्रमणको जोखिम कम भएको भनी लकडाउन खोलेको र कार्यक्रम सञ्चालन गर्न समस्या नहुने देखिएपछि
निर्माण पक्षले कार्यक्रमलाई निरन्तरता दिन लागेको हो । लकडाउनसँगै नेपाल आइडल स्थगित भएपछि प्रतिस्पर्धीलाई उनीहरूको आआफ्नै घर पुर्याइएको थियो । कार्यक्रम बिहिबारदेखी एपी वानएचडी टेलिभिजनबाट निरन्तर प्रशारण हुनेछ ।
