काठमाण्डौ ।
एयरपोर्टमा प्रहरीले दुर्व्यबहार गरेको भन्दै गायिका आस्था राउतले बिहिबार फेसबुक मार्फत् लाईभमा समग्र प्रहरी संगठनै बदनाम हुने किसिमले गाली गलौज गरेपछि उनी यतिबेला सर्बाधिक आलोचित बनेकी छिन् ।
उता राउतलाई जाँच गर्ने प्रहरी जवान रमिता श्रेष्ठले आफूमाथि अभद्र व्यवहार गरेको भन्दै विमानस्थल सुरक्षा प्रहरी कार्यालयमा राउतविरुद्ध उजुरी दिएकी छिन् ।
विमानस्थल प्रहरी कार्यालयले उजुरी परेपछि कारबाहीका लागि महानगरीय प्रहरी आयुक्तको कार्यालय रानीपोखरीमा पठाएको छ । स्रोतका अनुसार अहिले प्रहरीले राउतलाई अभद्र ब्यबहारमा मुद्दा दायर गर्ने तयारीमा छ ।
बिमानस्थलमा राउत र प्रहरी बिच भएको गतिबिधिको सिसिटिभि फुटेज र प्रहरीले राउतलाई अभद्र व्यबहारमा मुद्दा दायर गर्ने तयारी गरेको खबर सार्बजनिक भए लगत्तै उनी फेसबुक लाईभमा आएर रुदै माफि मागेकी छिन् । सार्बजनिक सिसिटिभि फुटेजमा राउतकै कमजोरी प्रस्ट संग देखिन्छ ।
राउतले आफूमाथि महिला प्रहरीले असभ्य भाषा प्रयोग गरी ‘दुर्व्यवहार’ गरेको भन्दै बुधबार लाइभमा आएकी थिइन्। सो क्रममा उनले प्रहरीलाई पनि ‘अपशब्द’ प्रयोग गर्दै तल्लो स्तरको भाषाले गालिगलौज गरेकी थिईन् ।
शुक्रबार त्रिभुवन विमानस्थलमा राउत र प्रहरी जवानबीच भएको भिडिओ एकाएक सार्वजनिक भयो। त्यसपछि फेरि राउत आफ्नो फेसबुकबाट लाइभ आएर आफूले प्रहरी जवानलाई अपशब्द बोलेको भन्दै त्यसप्रति माफी मागेकी छन्।
‘मप्रति दुर्व्यवहार भएकै हो आज नि भन्छु, भोलि नि भन्छु,’ उनले भनिन्, ‘मैले घटनालाई के भएको हो सरल भाषामा भन्न सक्थे; डन्ठे, सन्ठे भन्न हुँदैन थियो, सबै प्रहरीलाई सरी भन्न चाहन्छु तपाईंहरूको मनोबल गिरेको भए।’
‘दुई चार वटा शब्द मैले नभनेको भए हुन्थ्यो, नत्र भने मैले भनेका अरु कुरा गलत छैनन्,’उनले थप भनेकी छन्।
पहिलो लाईभमा आस्थाले यस्तो गालि गरेकी थिईन :
पहिलो लाईभ भिडियो :
दोस्रो लाईभ भिडियो :
