काठमाडौं । प्रहरीले ज्ञानेन्द्रबहादुर शाहीलाई उनकै कार्यालबाट पक्राउ गरेको छ । केही बेरअघि ललितपुरको पुल्चोकस्थित कार्यालयबाट शाहीलाई प्रहरीले पक्राउ गरेको हो ।
शाहीले हिजो साँझ नेपालगंज विमानस्थमा भएको घट्नाकाबारे जानकारी दिन आयोजना गरेको पत्रकार सम्मेलनमा होहल्ला भइरहेको बेला प्रहरीले उनलाई पक्राउ गरेको हो ।
उनको पत्रकार सम्मेलनमा पत्रकार भन्दाबढी विद्यार्थीहरु प्रवेश गरेपछि भनाभनको स्थिति उत्पन्न भएको केहिले उनलाई कुटेको समत खबर छ । संस्कृति, पर्यटन तथा नागरिक उड्डयन मन्त्री योगेशकुमार भट्टराई धनगढीको कार्यक्रमबाट फर्कने क्रममा जहाज ढिलो हुँदा उनीमाथि दुव्र्यहार भएको स्वयं मन्त्री आफैंले बताएका छन् ।
विमानमा सँगै रहेका यात्रु ज्ञानेन्द्र शाही लगायतले अपशब्द बोल्दै दुर्व्यवहारको गरेको मन्त्री भट्टराईले बताएका छन । तर मन्त्रीले घट्ना बारे ढाँटेको र त्यसको भिडियो आफूहरुसँग सुरक्षित रहेको भन्दै शाहीले पत्रकार सम्मेलनमा चुनौति दिएका छन् ।
