काठमाण्डौ ।
कलाकारको मान सम्मानमा चोट पर्ने गरी मर्यादा नाघेर चलचित्रको समिक्षा गरेको आरोपमा दुइ जनालाई प्रहरीले हिरासतमा लिएको छ । मिलन चाम्स निर्देशित चलचित्र ‘विर विक्रम २’ को समिक्षा गर्ने क्रममा अपशब्द प्रयोग गरेको भन्दै चाम्सले काठमाडौँ जिल्ला अदालतले पक्राउ पुर्जी जारी गरेपछि मिम नेपालका होस्ट प्रमेश गौतम र आदर्श मिश्रलाई प्रहरीले गिरफ्तार गरेको हो । 
गौतमलाई प्रहरीले हिरासतमा राखेको छ भने मिश्र साधारण तारेखमा रिहा भएका छन् । अघिल्लो हप्तानै उजुरी गरे पनि प्रकृया नपुगेको कारण प्रहरीले पक्राउ गर्न सकेको थिएन । निर्देशक चाम्सले १ करोड समेत क्षतिपुर्ती मागेका छन् ।
