९ मे सिड्नी ।
मिस नेपाल २०१९ को आज फिनाले हुदैछ । अन्तिम प्रतिस्पर्धाका लागि २५ सुन्दरी छनौटमा छन् । सयौ सहभागीहरुबाट बिभिन्न चरण हुदै अन्तिम प्रतिस्पर्धाका लागि २५ प्रतियोगीहरु आईपुगेका हुन् । जस्मा सिड्नी बस्दै आएकी मिस नेपाल ओसिनिया २०१८ की बिजेता अनुस्का श्रेष्ठ समेत सहभागी छिन् । मिस नेपाल ओसिनियाको बिजेताले पहिलो पटक मिस नेपालमा सिधा सहभागीता जनाउन पाएको यो पहिलो पटक हो । अनुष्का बिजेताका लागि मुख्य दाबेदारका रुपमा खडा हुदै आएकी छिन् । ट्यालेन्ट राउण्डमा समेत उनले निर्णायकको मन तान्ने किसिमले प्रस्तुत भएकी थिईन् ।
सौन्दर्यता क्षेत्रका केहि जानकारहरुका अनुसार अनुष्का उत्कृष्ट ५ भित्र शतप्रतिशत पुग्ने ग्यारेण्टी गर्छन् भने केहिले बिजेताको नजिक रहेको समेत दाबी गरेका छन् । यसो त उनले कुन स्थानमा आफुलाई उभ्याउन सफल रहनेछिन् केहि घण्टा प्रतिक्षा गर्नुको बिकल्प छैन ।
मिस नेपालको दाबेदारका रुपमा रहेकी अनुष्काले सिन्धुपाल्चोकका ग्रामिण भेगका बिध्यालयमा अनलाईन शिक्षा प्रणालीका बिषयमा आफुले योजना अघि सार्ने समेत केहि समय अगाडी नेपाली टिभि संगको साक्षात्कारमा उनले बताएकी थिईन् ।
मिस नेपालमा ‘मिस नेपाल ओसेनिया,मिस नेपाल हङकङ,मिस चितवन,मिस पोखरा,मिस पुर्बान्चल र मिस पशिच्मान्चलका बिजेताले सिधा रुपमा सहभागीता जनाएका छन् । आज मिस नेपाल आयोजक संस्था हिडन ट्रेजरको रजत जयन्ती समेत हो ।