काठमाडौं।क्रिकेट क्याप्टेन चर्चित क्रिकेटर महेन्द्र सिंह धोनीका लाखौं प्रशंशक छन् । धोनीका मात्र होइनन् उनकी ४ वर्षकी छोरी जीवाका पनि ठूलो संख्यामा फ्यान छन् । बलिउड अभिनेत्री र किंग्स १ पंजाबकी सह मालिक प्रिती जिन्टा पनि जीवाकी फ्यान हुन् । फ्यान हुनुको हदसम्म त ठिकै थियो तर उनले त ट्वीट गरेर जीवालाई अपहरण गर्ने धम्की नै दिएकी छिन् ।
प्रितीले ट्वीटरमा लेखेकी छिन् ‘क्याप्टेन कूलका धेरै फ्यान छन् तर म उनकी छोरीकी फ्यान हुँ । उनले आफ्नी छोरी जीवालाई मबाट बचाएर राख्नुपर्छ । किनकि म उनकी छोरीलाई अपहरण गर्न सक्छु ।’
जीवा ४ वर्षकी छिन् । धोनी र उनकी पत्नी साक्षीले सामाजिक संजालमा जीवाको भिडियोहरु राखिरहन्छन् । धोनी हालै लोकसभा चुनावमा भोट हाल्न मोहालीबाट राँची पुगेका थिए । त्यतिबेला उनले छोरी जीवालाई काखमा लिएर मतदान केन्द्र गएका थिए । उनहिरुको फोटो र भिडियो निकै लोकप्रिय भएका थिए ।
Captain cool has many fans including me, but off-late my loyalties are shifting to his little munchkin Ziva. Here I’m telling him to be careful – I may just kidnap her 😜 Now it's time for you guys to Caption THIS photo…#Ting pic.twitter.com/bD1ADSXopc
— Preity G Zinta (@realpreityzinta) May 7, 2019
