२० बैशाख काठमाण्डौ ।
नायिका पूजा शर्मा चलचित्र प्रेम गीत बाट एकाएक चर्चामा आएकी हुन् । सुरुवाती चरणमा उनी चलचित्र बाट खासै सफलता नकमाएकी पुजा ले चलचित्र प्रेम गीत बाट भने रातारात चर्चा कमाइन् । उक्त चलचित्र बाट अहिले राम काहानी सम्म आइपुग्दा सम्म दर्शकहरुले केहि हद सम्म चिन्न सकेका छन् । 
उनी नायिका र निर्मात्री मात्र नभई उनी सर्वाधिक मंहगी नायिका भएको खबर चौतर्फी आउदै गर्दा प्रचारको प्रपोकाण्ड समेत भनेका छन् । उनले सिने क्षेत्रमा अभिनेत्री साम्राज्ञी राज्य लक्ष्मी शाह लाइ पनि पछाडि पार्दै २० लाख पारिश्रमिक लिएको पुतली सडकका क्याफेमा हल्लाखल्ला छ ।
उनको यस पारिश्रमिक प्रति सिनेमा क्षेत्रकै धेरैले आशंका व्यक्त गरिरहेका छन् भने सिनेमा क्षेत्रको बर्तमान अवस्था हेरेर कलाकारले २०/ ३०/ ४० लाख माग्नै नहुने , त्यसको पनि लायक कुनै कलाकारहरु भईनसकेको लगायतका कुराहरुमा टिकाटिप्पणी भईरहेका छन् । यस बिषयमा धेरैले धेरै खाले चर्चा गरे । यसबीचमा पुजाले आफनो पारिश्रमिकमाथि भएको टिकाटिप्पणीमा मुख खोलेकीछिन् । एक मिडियासंगको कुराकानीमा कलाकारहरुले फिल्मलाई समय दिनेदेखि लिएर मेन्टेनसमेत गर्नु पर्ने भएकोले त्यती पारिश्रृमिक ठुलो कुरा नभएको बताएकीछिन् ।
उनले २० लाख नै नगद पारिश्रमिक लिएको नभई १० लाख एडभान्समा लिएको र बाँकी उनले फिल्मको कन्ट्री राईटस लिएको खुलासा गरिन् । उनले आफु पनि निर्मात्री भएकोले अरुलाई मार्नु हुन्न भन्ने बुझेको बताईन् । उनले भनिन् “यो कुरालाई ठुलो इसु बनाउन आवश्यक नै छैन । अझ एउटा कलाकार भएर अर्को कलाकारको धज्जी उडाउँदा खेरी चाही नराम्रो लाग्छ । आफु के हुँ र आफुँ पनि यही ठाँउमा छु भोली हामीलाई पनि त्यही चीज आउँछ भनेर सोच्नु पर्छ जस्तो लाग्छ” ।
उनले नायकहरुले धेरै पारिश्रृमिक लिँदा प्रशंसा हुने तर नायिकाहरुले धेरै पारिश्रमिक लिँदा खिल्ली उडाउँने विश्वास नगर्ने जस्तो प्रवृती देखिएको भन्दै उनले चित्त दुखाईन् । पुजाले फिल्म पोई प¥यो कालेमा २० लाख पारिश्रमिक लिएकी हुन् । त्यसपछि सिनेमा क्षेत्रमा यसको खुबै चर्चा भएको थियो ।
तर,उनले के कति पैसा लिएकी हुन उनैले जानुन् । हाम्रो चलचित्र क्षेत्रमा ५ लिदा १० र १० लिदा २० हुने गणितीय शास्त्र प्रिय बनेको छ । कतै पुजा जी यहाले पनि यहि गणितिय शास्त्र अपनाउनु भएको त होईन । जे होस् यहाँले मिडियामा आउने तरिका चाँहि सिक्नु भएको खुसीको कुरो ।
गसिप*
