सिड्नी ।
अमेरिकाको न्युयोर्क सिटीमा ट्रकको ठक्करबाट १० बर्षीय नेपाली बालक श्रीजल पन्थीको निधन भएको छ । 
उनलाई स्कुल जाने क्रममा सडकमा फोहोर बोक्ने ट्रकले ठक्कर दिएको हो । उनलाई आमाले स्कुल पुराउदै गर्दा सो घटना भएको हो । घटनामा आमा समेत शक्त घाईते भएको अमेरिकाका बिभिन्न नेपाली मिडियाले लेखेका छन् ।
आमाको यतिबेला उपचार भईरहेको र अबस्था गम्भिर रहेको चिकित्सकको भनाई उदृत गर्ने स्थानीय नेपाली मिडियाले उल्लेख गरेका हुन् ।
ठक्करपछि घाइते आमाछोरालाई एल्मस्र्ट अस्पतालमा उपचारका लागि लगिएकोमा १० बर्षका छोराको उपचारका क्रममा निधन भएको हो । यो घटनाले अमेरिकाको नेपाली समुदाय मर्माहित भएको छ ।
