इंदौर । आफ्नो विवाहको कार्ड बाड्न हिँडेकी एक युवतीको सडक दुर्घटनामा ज्यान गएको छ। सडक दुर्घटनामा उनको मृत्यु भएको सीसीटीभी फुटेज सार्वजनिक समेत भएको छ।
उक्त फुटेजमा युवती कसरी दुर्घटनाको शिकार भइन भन्ने कुरा देखिएको छ। आफ्नो विवाहको कार्ड बाडिरहेकी युवती सडकमा पानी परेका कारण चिप्लिइन। उनी चिप्लिएपछि पछाडिबाट आएको पानी ट्यांकरले उनलाई ठक्कर दियो। उनको टाउँकोमा गम्भिर चोट लाग्यो।
ट्यांकरले ठक्कर दिएपछि आसपासका व्यक्ति उनलाई बचाउन दौडिरेहको भिडियोमा देख्न सकिन्छ। त्यसपछि स्थानीयले उनलाई अस्पताल पुर्याएका थिए। तर डाक्टरले उनलाई बचाउन सकेनन्।
युवतीलाई ठक्कर दिने ड्राइभरलाई प्रहरीले सीसीटीभी फुटेजका आधारमा पक्राउ गरेको छ। भारतको उज्जैनमा बस्ने ती व्यक्तिले इंदोरमा जागिर गर्दै आएकी थिइन्। उनको विवाह जनवरी २५ मा हुने तय भएको थियो। तर विवाह नहुँदै उनले ज्यान गुमाउनु पर्यो।
