१ आश्विन,एजेन्सी ।
भारतीय रक्षा मन्त्री राजनाथ सिंहले सीमा क्षेत्रमा सेनाले सम्पूर्ण तयारी पूरा गरेको र चीन बिरुद्ध अझ कडा कदम चाल्न सक्ने चेतावनी दिएका छन् । चीनले भारतले उक्साहटपूर्ण गतिविधि तत्काल बन्द गर्न दिएको चेतावनीको भोलिपल्टै भारतीय रक्षामन्त्री सिंहले राज्यसभामा बोल्दै नियन्त्रण रेखामा जुनसुकै जवाफी कार्बाहीका लागि भारतीय सेना तयार रहेको बताए ।
चीनले औपचारीक सीमा नमानेको भन्दै उनले गलवानमा चीनलाई ठूलो क्षति पुर्याएको समेत दाबी गरे । जुन १५ मा गलवानमा भएको झडपमा २० जना भारतीय सेनाको मृत्यु भएको थियो । उनले शान्तिपूर्ण रुपमा समस्याको समाधान गर्ने भारतले चाहे पनि चीनले सम्झौता उलंघन गर्दै आएको बताए ।
दुबै देशबीच सीमामा बढ्दो तनाबका बीच भारतीय रक्षा मन्त्रीको यो टिप्पणी आएको हो । सीमा क्षेत्रमा १९६२ पछि पहिलो पटक युद्धको व्यापाक तयारी दुबै देशले गरीरहेका छन् । ठूलो संख्यामा सेना, लडाकु विमान, क्षेप्यास्त्र, टैंक तैनाथ तीव्र भएको छ ।
