उपत्यकामा आजदेखि सार्वजनिक सवारी सञ्चालनमा, व्यवसाय सञ्चालनको अनुमति

१५ असार,काठमाण्डौ ।
काठमाडौं उपत्यकामा आजदेखि सार्वजनिक सवारी सञ्चालनमा आएका छन् । झण्डै २ महिनापछि उपत्यकामा सार्वजनिक सवारी सञ्चालनमा आएको हो । कोरोना भायरसको संक्रमण रोक्न निषेधाज्ञा जारी गरे यता सार्वजनिक सवारी सञ्चालनमा रोक लगाइदै आएको थियो । सार्वजनिक सवारीलाई आजदेखि सञ्चालन गर्ने अनुमति दिए पनि २५ सिट भन्दा माथिका सवारी मात्र चलाउन पाइनेछ ।सोमबार काठमाडौ उपत्यकाका ३ जिल्लाका प्रमुख जिल्ला अधिकारीहरुको बैठकले आजदेखि २५ सिट माथिका बस चलाउन पाइने निर्णय गरेको हो । जोर बिजोर प्रणालीअनुसार सार्वजनिक यातायात बिहान ६ देखि बेलुकी ७ बजेसम्म सञ्चालन गर्न दिइएको छ । लामो दूरीका सवारी साधन भने सञ्चालन गर्न पाइने छैन।

उपत्यकामा चल्ने बसहरूले स्वास्थ्य मापदण्ड पालना गर्नुपर्ने, बसमा सेनीटाइजर राख्ने तथा सिटमा यात्रुको दूरी राख्नुपर्ने जस्ता मापदण्ड तोकिएको ललितपुरका प्रमुख जिल्ला अधिकारी ढुण्डीप्रसाद निरौलाले बताउनुभयो । उपत्यकाभित्र निषेधाज्ञा भने एक साता थप गरिएको छ। सबै किसिमका ब्यबसायहरु बिहान ११ बजेदेखि बेलुकी ६ बजेसम्म खोल्न पाइने भएका छन्।

नेपाली टिभीको न्युज पढ्नका लागि एपबाट खोल्नुहोस् ।
एन्ड्रोइड डाउनलोडका लागि र आईफोन डाउनलोडका लागि यहाँ क्लिक गर्नुहोस् ।