२६ साउन,काठमाण्डौ ।
काठमाण्डौ स्थित गोंगबु चोकमा आईतबार बिहान भेटिएको शबको पहिचान भएसंगै हत्यामा संलग्नको आंशकामा चितवनको टाँडी बाट कल्पना शाहीलाई पक्राउ गरी प्रहरीले काठमाण्डौ ल्याएको छ । प्रहरीले शबको पहिचानका लागि फोटो सार्बजनिक गरेको केहि समयमा नै मृतकका मामा प्रहरीको सम्पर्कमा पुगेपछि घटनाको अनुसन्धान अगाडी बढेको थियो ।
शबको पहिचान पछि हत्या भएको स्थान सम्म प्रहरी पुग्न सफल भएपछि चितवनमा कल्पना पक्राउ परेकी हुन् । प्रारम्भिक अनुसन्धानमा दाङका कृष्ण बहादुर बोहराको बिष सेवन गराएर मृत्यु भएपछि उनको शब ब्यबस्थापनका लागि घाँटी र दुबै खुट्टा काटिएको हुन सक्ने आंसका गरिएको छ । प्रारम्भिक अनुसन्धानमा कल्पनाको फ्ल्याटमा हत्या भएको खुलेको छ । उनले बोहराको हत्या गरेर शब ब्यबस्थापन गरी आईतबार साँझ चितवन गएको खुल्नमा आएको छ ।
शब आइतबार विहान शाही बस्दै आएको घरबाट ५० मिटर पर सुटकेशमा प्याक गरेको अवस्थामा भेटिएको थियो । शव फेला परेको २ सय मिटरको दुरीमा प्रहरीको तालिम प्राप्त जोजो नामक कुकुरले जेब्रा झोलामा प्याक गरेर छाडेको टाउको र दुईवटा खुट्टा भेट्टाएको थियो ।
