१५ चैत्र,काठमाण्डौ ।
नेपालमा कोरोना भाईरस (कोभिड-१९)को संक्रमित संख्या पाँच पुगेको छ । शनिबार नयाँ संक्रमित पुष्टी भएको हो । मार्च १७ मा कतार एयरवेजको क्यूआर ६५२ नम्बरको फ्लाइटबाट बेल्जियम बाट कतार हुदै नेपाल आएकी १९ बर्षीय महिलामा कोरोना पुष्टी भएको हो ।
उनी नेपाल आएको भोलीपल्ट नै काठमाण्डौ बाट माईक्रो बस चढेर बाग्लुङ गएको समेत खुल्नमा आएको छ । शनिबार स्वास्थ्य मन्त्रालयमा आयोजित पत्रकार सम्मेलनमा मन्त्रालयका प्रवक्ता विकास देवकोटाले संक्रमित पुष्टीभएको जानकारी गरेका हुन् ।
एयरलाइन्सको क्यूआर ६५२ नम्बरको फ्लाइटबाट नेपाल आएको बताएपछि सो विमानमा आएका दुई जनामा कोरनाको पुष्टि भएको हो । यसअघि चैत १० गते दोहाबाट सोही फ्लाइटमा नेपाल आएकी फ्रान्सेली महिलामा पनि कोरोना पुष्टि भएको थियो ।उनी फ्रान्सबाट कतार ट्रान्जिट हुँदै नेपाल आएकी हुन् । सो जहाजमा २ सय ५ यात्रुहरु थिए ।
