काठमाण्डौ ।
पूर्व सचिव अर्जुन कार्कीको घरमा सोमबार बिहान घटेको घटना रहस्यमय बनेको छ । पुर्ब सचिब कार्कीको श्रीमती मुना कार्कीको उपचारको क्रममा सानेपा स्थित स्टार अस्पतालमा निधन भएको छ । भने,घरमा काम गर्ने दाङका बिजय चौधरी झुण्डिएको अबस्थामा मृत अबस्थामा फेला परेका थिए ।
कार्कीकी श्रीमती मुनाको कुटपिटपछि हत्या भएको हुन सक्ने प्रहरीले प्रारम्भिक अनुमान गरेको छ । बिहान कार्की पुजाका लागि पशुपतिनाथ गएका बेला उनको घरमा भने बिभत्स हत्या भएको हो ।
प्रहरीले चौधरीले मुनाको हत्या आक्रमण गरेपछि आत्महत्या गरेको हुनसक्ने प्रहरीको अनुमान छ । कार्कीको घरमा रहेको सीसीटीभी फुटेजमा कामदार चौधरीले मुनालाई कुटपिट गरेको देखिएको जनाएको छ । तर यसबारे प्रहरीले थप जानकारी सार्वजनिक गरेको छैन ।
महानगरीय प्रहरी परिसरका प्रमुख प्रहरी वरिष्ठ उपरीक्षक (एसएसपी) टेकप्रसाद राईले घटनाको अनुसन्धान भइरहेकाले अरु जानकारी दिन नमिल्ने बताएका छन् । उनका अनुसार मुनाको शब पोष्टमार्टमका लागि पाटन अस्पताल राखिएको छ ।
