७ जेठ,काठमाण्डौ ।
बुधबार दिउसो केहि राष्ट्रिय अनलाईन समचार पोर्टलले गुल्मीका कोरोना संक्रमित एक बिरामीको मृत्यु भएको खबर सार्बजनिक गरेको थियो । तर सो समचार सत्य नभएको अस्पताल प्रशासनले बताएको छ ।रुपन्देहीको तिलोत्तमामा रहेको क्रिमसन अस्पातालकमा उपचाररत कोरोना संक्रमित बिरामीलाई भेन्टिलेटरमा राखेर उपचार भईरहेको अस्पतालले प्रेस बिज्ञप्ती जारी गरी जनाएको हो
। बुधबार दिउँसो विज्ञप्ति जारी गर्दै अस्पतालले ती बिरामीको अहिले भेन्टिलेटरको सहायतामा उपचार भइरहेको बताएको हो ।यसअघि बुधबार बिहानै उनको कोरोना भाईरसका कारण मृत्यु भएको खबर प्रदेश ५ को सामाजिक विकास मन्त्रालयमार्फत् मिडियामा बाहिरिएको थियो । गुल्मी निवासी बिरामी गत जेठ १ गतेदेखि क्रिमसन अस्पतालमा भर्ना भएका हुन् ।
उनलाई कोरोना संक्रमण भएको सोमबार पुष्टि भएको हो ।यस अघि राष्ट्रिय अनलाइन मिडिया सेतोपाटी डटकमलाई उदृत गर्दै नेपाली टिभीमा प्रकाशित समाचारका कारण परिवारजन, आफन्त र पाठक वर्गमा पर्न गएको असुविधाप्रति हामी क्षमा चाहन्छौं।







