३० चैत्र,काठमाण्डौ ।
आईतबार बिहान सार्बजनिक भएको “वीरगंज मस्जिदका ३ जना भारतीयमा कोरोना पोजेटिभ”अनुसार स्वास्थ्य तथा जनसंख्या मन्त्रालयले पुष्टी गरेको छ । वीरगञ्ज महानगरपालिका २ छपकैयामा रहेको मस्जिदमा लुकेर बसेका २१ जनामध्ये तीन पुरुषमा कोरोना पुष्टि भएको मन्त्रालयले जनाएको हो । मन्त्रालयका अनुसार अरु १९ जनाको भने रिपोर्ट नेगेटिभ आएको छ । नारायणी अस्पताल, वीरगञ्जको आईसोलेशनमा राखिएका उनीहरुको थ्रोट स्वाब कीटजन्य रोग अनुसन्धान तथा तालिम केन्द्र, हेटौँडाको ल्याबमा परीक्षण गर्दा कोरोना भएको पाइएपछि पुष्टिका लागि राष्ट्रिय जनस्वास्थ्य प्रयोगशालामा परीक्षण गरिएको थियो । 
अहिले सङ्क्रमित तीन पुरुषको सम्पर्कमा रहेका अरु व्यक्तिको पनि खोजी भइरहेको मन्त्रालयले जनाएको छ ।मन्त्रालयका अनुसार अहिलेसम्म पोखरामा दुई सय ५४, धरानमा एक सय ६८, धुलिखेलमा एक सय ४६, सुर्खेतमा एक सय १४, हेटौँडामा एक सय ११, चितवनमा ९९, भैरहवामा ५८, जनकपुरमा ३७ र काठमाण्डौको वीर अस्पतालमा चार जना गरी चार हजार दुई सय २६ जनाको कोरोना परीक्षण गरिएको छ ।
यो पनि पढ्नुहोस् : वीरगंज मस्जिदका ३ जना भारतीयमा कोरोना पोजेटिभ
हेटौंडाको कोरोना ल्यावमा कोरोना भाइरस देखिएपछी पुनः काठमाण्डौ पठाइएका तीन जनाको रिपोर्ट पोजिटिभ देखिएको छ । काठमाण्डौ ल्याबले पुष्टी गरे पनि नेपाल सरकार स्वास्थ्य तथा जनसंख्या मन्त्रालयले पुष्टी गर्न बाँकी छ । मन्त्रालयले हरेक दिन अपराहन्न ४ बजेको समयमा प्रेस ब्रिफिङ मार्फत् पुष्टी गर्ने गरेको छ ।हेटौंडाबाट पठाइएको तीन जनामा कोरोना भाइरसको संक्रमण भएको पुष्टी भएको बागमती प्रदेश सामाजिक विकास मन्त्रालयको उच्च श्रोतले जानकारी दिएको छ । संघीय सरकारको स्वास्थ्य मन्त्रालयले औपचारिक जानकारी दिने भएकाले आफुहरुको नाम कोड गर्न नमिल्ने उहाँले वताउनुभयो ।
हेटौंडा–१० स्थित किटजन्य रोग अनुसन्धान तालिम केन्द्रमा शुक्रबार ३५ जनाको कोरोना परीक्षण गरिएको थियो । त्यसमध्ये तीन जनाको नतिजा भने पोजेटिभ हो वा होइन भन्ने खुट्याउन नसकेपछि थप निर्क्योल गर्नका लागि ती नमुनालाई काठमाडौंस्थित राष्ट्रिय जनस्वास्थ्य प्रयोगशालामा पठाइएको थियो । काठमाण्डौमा परिक्षण पछि पनि उनीहरुमा कोरोना पोजेटिभ भएको पाइएको हो ।भारतीय मुस्लिम धर्म प्रचारकहरुको हेटौंडामा थ्रोट स्वाब परिक्षणका लागि ल्याइएको थियो। हेटौंडामा मकवानपुर, सिन्धुली, बारा, पर्सा र रौतहटबाट स्वाब ल्याएर परीक्षण भइरहेका छन्। संघीय सरकारको सहयोगमा हेटौंडामा कोरोना परीक्षणका लागि पीसीआर मेसिन सञ्चालनमा ल्याइएको थियो।कोरोना पोजेटिभको आशंकापछि वीरगन्ज महानगरपालिका २, छपकैयास्थित श्रीराम हल अगाडिको मस्जिदमा बस्दै आएका ३ जना भारतीयलाई शुक्रबार दिउँसोदेखि नारायणी अस्पतालको आइसोलेसन कक्षमा राखिएको छ । बिहीबार छपकैया र बाराको घुसुकपुर मस्जिदका २४ जना धार्मिक गुरु नारायणी अस्पतालमा ‘स्क्रीनिङ’का लागि आएका थिए । चिकित्सकले उनीहरुको स्वाब संकलन गरि बागमती प्रदेशको हेटौंडामा रहेको कोरोना परिक्षण प्रयोगशालामा पठाएका थिए । २४ जना मध्ये दुईजनाको रिर्पोट शंकास्पद देखिएको जानकारी आएपछि अस्पतालले उनीहरुलाई मस्जिदबाट ल्याएर आइसोलेसनमा राखेको हो। हेटौंडाको कोरोना परिक्षण ल्याबले शंकास्पद देखिएका ३ जनाको रिर्पोट कन्फर्म गर्नका लागि राष्ट्रिय जनस्वास्थ्य प्रयोगशाला टेकुमा पठाएको थियो ।स्थानीयका अनुसार विगत ९, १० दिन अगाडिमात्र यी धार्मिक गुरुहरु मस्जिदमा आएका थिए । बिहीबार स्क्रीनिङको क्रममा उनीहरुले आफू भारतबाट ४ महिना अगाडि नै नेपाल प्रवेश गरेको बताएका थिए । नाम उल्लेख नगर्ने शर्तमा नारायणी अस्पतालका एक चिकित्सक भन्छन् । ‘उनीहरुले दिएको सूचना सहि नहुन् पनि सक्छ, प्रहरीले अनुसन्धान गर्न जरुरी छ।’ तीनजनालाई आइसोलेसनमा राखेदेखि नारायणी अस्पतालका चिकित्सक तथा स्वास्थ्यकर्मीले सर्तकता अप्नाएका छन्।
