सोलुखुम्बु :सोलुखुम्बुको खुम्बु क्षेत्रको हिमाल आरोहणका क्रममा बेपत्ता भएका ३ जना फ्रान्सेली नागरिकको शव फेला परेको छ । नेशनल नेपाल माउन्टेन गाइडको टोलीले माउन्ट खाङतेका हिमालमै हिउँको खोचमा थोमस, गाब्रियल र लुइस नाम गरेका फ्रान्सेली नागरिकको शव फेला पारेको सोलुखुम्बुका प्रहरी निरीक्षक ऋषिराज ढकालले जानकारी दिए ।
नेशनल नेपाल माउन्टेन गाइडको टोलीले ती फ्रान्सेली नागरिकको शव फेला पारे पनि उद्वार भने आजदेखि खटिएका तालिम प्राप्त फ्रान्सेली नागरिकको टोलीले गरेको हो । शवलाई अहिले लुक्लामा राखिएको छ । माउन्ट खाङतेका हिमाल आरोहणका लागि गएका उनीहरु कात्तिक ९ गतेदेखि हराएका थिए ।
