२८ भाद्र,काठमाण्डौ ।
साउदी अरब कोरोना लगायत अन्य विभिन्न कारणले निधन भएका ६० जना नेपालीको शव अलपत्र अबस्थामा रहेको छ । साउदी अरबका लागि नेपाली राजदूत डा. महेन्द्र सिहं राजपुतका अनुसार ती शव नेपाल पठाउने प्रक्रियामा रहेको बताएका छन् । हालसम्म विदेशमा विभिन्न कारणले निधन भएका ३ सय जना नेपालीहरुको शव नेपाल ल्याइएको छ । 
यस्तै कोरोना भाइरसको संक्रमणपछि भएको विश्वव्यापी लकडाउनका कारण विदेशमा अलपत्र परेका, आफन्तकोमा गएर उतै रोकिएका र अन्य विविध कारण स्वदेश फर्कन नपाएका नेपालीको उद्धार कार्य जारी छ । हालसम्म गैरआवासीय नेपाली संघ, नेपाल सरकारका विदेशस्थित दूतावास तथा नियोगहरुको संयुक्त पहलमा ३० देशमा रहेका ६१ हजार ७ सय १० जना नेपालीको उद्धार गरिएको छ । (This image shows the Embassy of Nepal in Riyadh, the capital city of Saudi Arabia, in December 2017. Photo courtesy: Ammar Waris)
