सिड्नी
यही शनिबार सिड्नीको लिडकममा हुन गईरहेको होली मेला ३ र रकडेलमा हुने भनिएको रकडेल होली ईभेन्टको पुर्ब सन्ध्यामा आएर अन्ततः रद्द भएका छन् ।
लिडकमको होली मेलाको आयोजक नेपाल स्कड ईन्टरटेन्मेन्टले बुधबार साँझ नै ईभेन्ट रद्द भएको जानकारी फेसबुक मार्फत् गरेको थियो । होली मेला लिडकमको वायट पार्कमा मार्च २३ तारीख शनिबारका दिन हुने पनि जानकारी गराएको छ ।
यस्तै बिहिबार दिउसो मात्रै रकडेलमा हुने भनिएको रकडेल होलीको आयोजक कमेरो ईभेन्टले पनि ईभेन्ट रद्द भएको जानकारी गराएको छ । आयोजकले अहिले सम्म अर्को कार्यक्रमको मिति भने तय गरेको छैन । यि दुबै आयोजकले शनिबारको मौषमलाई कारण देखाएका छन् । अहिले सम्मको पुर्बानुमानका अनुसार शनिबार सिड्नीमा आमसिक रुपमा पानी पर्ने देखिन्छ ।
यि दुबै ईभेन्ट रद्द हुदा सिड्नीका अधिकांस युबाहरु आक्रोसित समेत बनेका छन् । अधिकांसले शनिबार ईभेन्टमा जानकै लागि काममा बिदा लिईसकेकाले पनि आफुहरुलाई असर परेको सामाजिक संजालमा प्रतिकृया दिएका छन् । भने,ईभेन्टमा स्टल राख्नेहरुलाई समेत असर पर्ने देखिन्छ ।
तीन बर्ष देखि सिड्नीमा निरन्तर रुपमा होली ईभेन्ट हुदै आएका छन् । मार्च २० का दिन नर्थन बिचेज नेप्लिज सोसाईटीले समेत होली फेष्टिभल मनाउदै छ ।
